ԵՐԵՎԱՆ, 4 նոյեմբերի — Sputnik. Պետական գույքի կառավարման վարչության, Ջրային տնտեսության պետական կոմիտեի և «Սևան-Հրազդանյան-Ջրառ» ՓԲԸ նախկին պաշտոնատար անձինք թույլ են տվել ապօրինություններ. պետությանը պատճառվել է առանձնապես խոշոր չափերի՝ շուրջ 136․000․000 դրամի վնաս։ Այս մասին հայտնում է ՀՀ ոստիկանությունը։
«Ըստ նախնական տվյալների` նրանք 2012-2013թթ. կազմակերպել են «Սևան-Հրազդանյան-Ջրառ» ՓԲԸ պատկանած 6000մ երկարությամբ, 1420 մմ տրամագծով «Արևշատի» առաջին աստիճանի պոմպակայանի մղման խողովակաշարի օտարման գործընթացը։ Դրա շրջանակներում կազմել ու ներկայացրել են քաշի, երկարության և մաշվածության վերաբերյալ պաշտոնական փաստաթուղթ հանդիսացող կեղծ տեղեկանք»,–ասվում է հաղորդագրության մեջ։
Արդյունքում փաստացի շուրջ 2․086 տոննա խողովակաշարը ձևակերպվել է որպես 1․680 տոննա և օտարվել ՍՊ և ՓԲ ընկերություններին, պետությանը պատճառվել առանձնապես խոշոր չափերի՝ շուրջ 136․000․000 դրամի վնաս՝ անզգուշությամբ առաջացնելով ծանր հետևանքներ։
Մեր պայքարը ձեր թալանին վնաս չէ. կոռուպցիայի դեմ 18-ամյա պայքարի նոր սկիզբը
Փաստի առթիվ ոստիկանությունում հարուցվել է քրեական գործ, որն ուղարկվել է Քննչական կոմիտե՝ նախաքննության։