ԵՐԵՎԱՆ, 3 նոյեմբերի – Sputnik. Նոյեմբերի 3-ին, ժամը 05:04-ին «911» ծառայություն տեղեկություն է հաղորդվել, որ Սպիտակի ոլորաններում տեղի է ունեցել ՃՏՊ, բախվել են ավտոմեքենաներ, կան տուժածներ. անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-3 ավտոճանապարհի Սպիտակ-Երևան հատվածի մոտ 19-րդ կմ-ին բախվել են «Ford Transit» (վարորդ՝ 24-ամյա Արայիկ Մ.,) և «Ford Transit» (35-ամյա վարորդ՝ Արիս Ե.,) մակնիշների ավտոմեքենաները։
Մինչ փրկարարների՝ կանչի վայր հասնելը «Ford Transit»-ի (վարորդ՝ Արայիկ Մ.) ուղևոր 49-ամյա Գայանե Մ.-ն, և մյուս «Ford Transit»-ի վարորդը՝ Արիս Ե.-ն և ուղևոր 54-ամյա Ներսես Ն.-ն (, հոսպիտալացվել են Սպիտակի ԲԿ։
Գավառում կրակահերթ են բացել ավտոմեքենայի վրա, կա զոհ. չի բացառվում վենդետայի վարկածը
Փրկարարները «Ford Transit» մակնիշի ավտոմեքենայի վարորդին՝ Արայիկ Մ.-ին, տեղափոխել են Սպիտակի ԲԿ: Բժիշկները Ներսես Ն.-ի առողջական վիճակը գնահատել են միջին ծանրության, իսկ Արիս Ե.-ի, Գայանե Մ.-ի և Արայիկ Մ.-ի առողջական վիճակը՝ բավարար:
Փրկարարները հոսանքազրկել են ավտոմեքենաները: