ԵՐԵՎԱՆ, 2 նոյեմբերի — Sputnik. Երևանի մետրոյի «Հանրապետության հրապարակ» կայարանի հարակից տարածքում բեմականացված ներկայացման մասնակիցների ու քաղաքացիների միջև այսօր լարված իրավիճակ է ստեղծվել. ակտիվիստ երիտասարդներից մեկը փորձել է ներկայացմանը մասնակցող դերասանների վրա «զելյոնկա» լցնել` նրանց «սատանիստներ» անվանելով։
Միջադեպը տեղի է ունեցել գերմանացի արվեստագետ Լինդա Նադջիի բեմադրած «Հուզանք ու զանգ» պիեսի ներկայացման ընթացքում։
Ներկայացման ժամանակ մի խումբ անձինք վանկարկել են «ամոթ, ամոթ» և խափանել ներկայացումը։ Ոստիկանների միջամտությամբ կողմերի միջև բախումը կանխվել է, իսկ «զելյոնկա» լցնելու փորձ անող երիտասարդը բերման է ենթարկվել բաժին։
«Ինձ ազատելուց հետո հովանավորները դադարել են օգնել թատրոնին». Կոնստանտին Օրբելյան
Ի դեպ, ակցիայի մասնակիցները երեկ` նոյեմբերի 1-ին, փորձել էին խափանել նաև ներկայացման գլխավոր փորձը, ինչը դարձյալ ոստիկանների միջամտությամբ չէր հաջողվել իրականացնել։ Երեկվա միջադեպի տեսանյութն արդեն հայտնվել է համացանցում։
Նշենք, որ ըստ կազմակերպիչների` «Հուզանք ու զանգը» կատարողական արվեստի նախագիծ է, որը սինթեզում է ժամանակակից պարն ու պոեզիայի ռիթմը։
Ներկայացումը 1920-ական թվականների ֆուտուրիզմ պոեզիայի (Կարա Դարվիշ, Գևորգ Աբով, Ազատ Վշտունի) հետազոտական/էքսպերիմենտալ վերընթերցումն է՝ Լիլիթ Պետրոսյանի հեղինակային պոեզիայի միջամտություններով և Հասմիկ Թանգյանի ապագայամետ շարժման աշխարհագրությամբ։
Երկու անգամ էլ հայուհու հետ է ամուսնացել. հնդիկ սրտաբանը սիրահարված է հայերին և Հայաստանին
Նախագիծն իրականացվում է ՀՀ կրթության, գիտության, մշակույթի և սպորտի նախարարության աջակցությամբ։
«Կարո Բալյանի բեմադրած ներկայացումը ֆանտաստիկ է». մեկնարկեց Շեքսպիրյան թատերական փառատոնը