ԵՐԵՎԱՆ, 31 հոկտեմբերի — Sputnik. Երեք նախարարությունների միավորման արդյունքում ընդամենը 13 հաստիք է կրճատվել։ Այս մասին այսօր լրագրողների հետ զրույցում հայտնեց ՀՀ ԿԳՄՍ նախարար Արայիկ Հարությունյանը։
Պետական համակարգի օպտիմալացման գործընթացը, սակայն, նախարարությունում այսքանով չի ավարտվում։
«Հաջորդ կրճատումները լինելու են առաջիկա ամիսներին»,– տեղեկացրեց նա։
Թե քանի մարդ է կրճատվելու վերջնական օպտիմալացման հետևանքով, Հարությունյանը չհստակեցրեց։ Նրա խոսքով` նախարարության բյուջեն ավելացել է 12,9 տոկոսով կամ 20 մլրդ դրամով, դա ոչ միայն կրթության և գիտության ոլորտին է վերաբերվում, այլ նաև մշակույթին և սպորտին։
Ինչ-որ բան այն չէ. Փաշինյանի, Զբաղվածության ծառայության ու ԱՎԿ-ի թվերն իրար չեն բռնում
«Մշակույթն ու սպորտը, բնականաբար, իրենց ծավալներով փոքր են, ըստ համամասնության` այնտեղ էլ է ավելացել։ Անտեսված չեն այդ ոլորտները»,-ասաց Հարությունյանը։
Հիշեցնենք` կառավարության կառուցվածքի փոփոխություններով նախկին մշակույթի ու սպորտի և երիտասարդության նախարարությունները միավորվել են ԿԳ նախարարության կազմում։
Մարզպետարանների աշխատակիցները 2 ամիս առաջ կծանուցվեն. նոր կրճատումներ են սպասվում
Կառավարման համակարգի արդյունավետության բարձրացման նպատակով կառավարությունը փոփոխություններ իրականացրեց «Կառավարության կառուցվածքի ու գործունեության մասին» օրենքում, որով 5 նախարարություն կրճատվեց։
Նախկին 17-ի փոխարեն այսօր 12 նախարարություն է գործում։