ԵՐԵՎԱՆ, 30 հոկտեմբերի – Sputnik. Ջերմուկ քաղաքի բնակիչ, 62-ամյա Գևորգ Բաղդասարյանը փորձել է Եղեգնաձոր քաղաքի Միկոյան 22 շենքի 3-րդ մուտքի դիմաց նռնակ պայթեցնել։ Այս մասին հայտնում է shamshyan-com-ը։
Բաղդասարյանին կարողացել է վնասազերծել այդ շենքի բնակիչ Արամ Բաբայանը:
Աղբյուրի տեղեկություններով՝ Ա. Բաբայանն աշխատում է ոստիկանության Վայոց Ձորի մարզային վարչության քրեական հետախուզության բաժնում՝ որպես հատկապես կարևոր գործերով օպերլիազոր:
Այս պահին դեպքի վայր են ժամանել ոստիկանության Վայոց Ձորի մարզային վարչության օպերատիվ խումբը և Հայաստանի քննչական կոմիտեի Վայոց Ձորի քննչական բաժնի քննիչները:
Սարսափելի դեպք Շիրակում. հայրը մահացել է, որդին` կախվել
Ըստ դեպքի վայրում հավաքվածների` Գ. Բաղդասարյանն ու Ա. Բաբայանը բարեկամներ են:
Փաստի առթիվ Վայոց Ձորի մարզային քննչական վարչությունում նյութեր են նախապատրաստվում: