ԵՐԵՎԱՆ, 28 հոկտեմբերի — Sputnik. Մոտ 14 տարվա վաղեմությամբ Երևանում կատարված դաժան սպանությունն այսօր բացահայտվել է։
Էրեբունի վարչական շրջանի Նոր Արեշ 11 փողոցի 63 տանը 2005 թվականի սեպտեմբեր ամսին տեղի է ունեցել առանձնակի դաժանությամբ սպանություն։ Արարքի հետքերը կոծկելու նպատակով սպանությունը կատարողը դին թաղել է տան նկուղում՝ մոտ 1.5 մետր խորության մեջ։
Ինչպես հայտնում է Shamshyan.com-ը, րոպեներ առաջ հատուկ մասնագետները, փորելով նշված վայրը, այնտեղից դուրս են բերել մարդկային ոսկորներ, գանգ, կոշիկ, քրքրված հագուստներ։
Սպանվածը նույն հասցեի բնակիչ՝ 82-ամյա Նինա Յաղուտյանն էր։ Նշված սպանությունը կատարելու կասկածանքով Էրեբունու ոստիկանների կողմից բերման է ենթարկվել և ձերբակալվել է 46-ամյա Վարդան Սիմոնյանը։
Արտառոց դեպք Լոռիում. տղամարդը դիահերձարանում աշխատելու համար փորձել է ինքնահրկիզվել
Գ Շամշյանի տեղեկություններով՝ մինչև թաղելը, նա իր զոհին խեղդամահ է արել։ Փաստի առթիվ Էրեբունի և Նուբարաշեն վարչական շրջանների քննչական բաժնում ՀՀ քր. օր-ի 104 հոդվածի 1-ին մասի հատկանիշներով (Սպանություն) հարուցվել է քրեական գործ։