ԵՐԵՎԱՆ, 25 հոկտեմբերի — Sputnik. Երեկ` հոկտեմբերի 24–ին, Կոտայքի մարզի գյուղերից մեկում 86-ամյա մի տղամարդ քացախաթթվի միջոցով փորձել է վերջ տալ կյանքին։ Նրա ինքնազգացողությունը կտրուկ վատացել է, և նրան տեղափոխել են Աբովյանի բժշկական կենտրոն։
Թոշակառուն ի վիճակի չի եղել որևէ բան հայտնել իր հետ պատահածի վերաբերյալ։
Sputnik Արմենիայի տեղեկություններով՝ նա կյանքին վերջ տալու փորձ է արել՝ խմելով քացախաթթու։ Քացախաթթուն խմելուց մի քանի րոպե անց էլ ինքնազգացողությունը վատացել է։
Կտրել է երակները, փորձել` նետվել պատուհանից. ինքնասպանության փորձ Հրազդանում
Տղամարդը գտնվում է բժիշկների հսկողության ներքո՝ վերակենդանացման բաժանմունքում։
Կյանքին վերջ տալու հետ կապված` այս պահին որևէ հստակ վարկած չի շրջանառվում։ Ամենայն հավանականությամբ՝ հարցի պատասխանը կտա հենց ինքը, երբ ի վիճակի լինի որևէ բան ասելու։
Կոտայքի իրավապահները դեպքի առթիվ քննություն են վարում։