ԵՐԵՎԱՆ, 25 հոկտեմբերի — Sputnik. Հայաստանի և Ադրբեջանի ԱԳ նախարարների և ղեկավարների միջև հանդիպումներն իրականացվում են միմիայն ԵԱՀԿ Մինսկի խմբի համանախագահների և համանախագահ երկրների բարձրաստիճան ներկայացուցիչների միջնորդությամբ:
Այս մասին հայտարարել է ՀՀ ԱԳՆ մամուլի խոսնակ Աննա Նաղդալյանը` պատասխանելով Սլովակիայի ԱԳ նախարարի՝ Բրատիսլավայում Հայաստանի և Ադրբեջանի ԱԳ նախարարների հանդիպումը հյուրընկալելու հայտարարությանը։
Աննա Նաղդալյանը հաստատել է, որ համանախագահների կողմից արվել է հանդիպում անցկացնելու առաջարկություն, ինչի մասին նշված է ինչպես Հայաստանի և Ադրբեջանի ԱԳ նախարարների նյույորքյան հանդիպման հաղորդագրությունում, այնպես էլ՝ համանախագահների տարածաշրջան այցելության արդյունքով հաղորդագրությունում:
Հայաստանի ԱԳՆ–ն պատասխանել է Մամեդյարովին
«Նման հանդիպման մասին, ինչպես գիտեք, մենք հայտարարում ենք համաձայնեցված կարգով, և այդ սկզբունքը մենք չենք խախտելու»,–ասել է Նաղդալյանը:
Նշենք, որ Սլովակիայի ԱԳ նախարար Միրոսլավ Լայչակը պատրաստակամություն էր հայտնել Բրատիսլավայում Հայաստանի և Ադրբեջանի ԱԳ նախարարների հանդիպումը հյուրընկալելու համար։