ԵՐԵՎԱՆ, 22 հոկտեմբերի - Sputnik. Նախարարների աշխատավարձերը բարձրացնելը ճիշտ էր։ Այսօր ԱԺ–ում լրագրողների հետ զրույցում ասաց ԱԺ փոխնախագահ Ալեն Սիմոնյանը։
«Եթե աշխատավարձերը պետք է բարձրացվեն, ապա առաջին հերթին`պետական մարմինների աշխատակազմերի աշխատավարձերը»,– ասաց նա։
Ինչ վերաբերում է պատգամավորների աշխատավարձերի հնարավոր բարձրացմանը, ԱԺ փոխխոսնակը ճիշտ չհամարեց այդ մասին խոսելը։
Հիշեցնենք` հոկտեմբերի 21-ին «Հետքը» գրել էր, որ վարչապետ Նիկոլ Փաշինյանի գաղտնի հանձնարարականով էականորեն բարձրացել են նախարարների, փոխնախարարների և նախարարությունների գլխավոր քարտուղարների աշխատավարձերը։
Փաշինյանի գաղտնի հանձնարարականով բարձրացել են նախարարների, փոխնախարարների աշխատավարձերը
Ըստ «Հետքի»` Փաշինյանն աշխատավարձերի բարձրացման հանձնարարականը տվել է հուլիսին։
ՀՀ կառավարությունն այս տեղեկությունն առայժմ ո՛չ հերքել է, ո՛չ հաստատել։