Պոլսո Հայոց պատրիարքի թեկնածուներից մեկը համարվող Գարեգին արքեպիսկոպոս Բեքչյանը հայտարարել է առաջադրվելուց իր հրաժարվելու մասին, դա բացատրելով մյուս հնարավոր թեկնածուների իրավունքների խախտման հանգամանքով: Արքեպիսկոպոսը անընդունելի է բնորոշել այլ թեկնածուների (մոտ 10 եպիսկոպոսների) առաջարդման սահմանափակումը և, ի զորակցություն նրանց, հրաժարվել է առաջադրվել: Եթե մյուս թեկնածուներն էլ հրաժարվեն, հնարավոր է` այդ ընտրությունները ձախողվեն:
Sputnik Արմենիայի հետ զրույցում «Ակոս» պարբերականի հայերեն բաժնի խմբագիր Բագրատ Էստուկյանը, դիտարկելով պատրիարքի ընտրության հնարավոր ձախողման տարբերակը, նկատեց, որ դա ամենևին հավանական չէ, քանզի առնվազն երկու թեկնածու՝ Սահակ եպիսկոպոս Մաշալյանը և Արամ արքեպիսկոպոս Աթեշյանը շարունակելու են պայքարը:
Ինչ վերաբերում է Գարգեին արքեպիսկոպոս Բեկչյանի հայտարարությանը, ապա Բագրատ Էստուկյանը նշեց.
«Բեկչյանի դիրքորոշումը ճիշտ է, սա ամոթայի ընթացք է: Ես բոլորովին համաձայն եմ իր խոսքերի հետ»:
Պոլսի պատրիարքի ընտրությունների ընթացքից մեր զրուցակիցը դրական սպասումներ չունի: