ԵՐԵՎԱՆ, 21 հոկտեմբերի - Sputnik. Ռոզա Ֆիլբերգը նշանվել է։ Այս մասին հայտնել է երգչուհու եղբայրը՝ երգիչ Մհերը։ Վերջինս Instagram-ի իր էջում հրապարակել է քրոջ ու նրա ընտրյալի լուսանկարը։
«Ես սրտանց շնորհավորում եմ քեզ, քույրիկս, այս կարևոր իրադարձության առիթով: Այս կյանքում մարդու համար ամենակարևորը սեփական ընտանիքի ստեղծումն է: Շնորհավորում եմ քեզ նշանադրության առիթով։ Սպասում ենք հարսանիքին»,- գրել է երգիչը։
Երգչի երկրպագուները բազմաթիվ շնորհավորանքներ են գրել և Ռոզային երջանկություն և անսահման սեր մաղթել:
Ինձանից շատերն են վառված․ երգիչ Մհերը նոր լուսանկար է հրապարակել
Նշենք, որ երգչուհի, դերասանուհի Ռոզա Ֆիլբերգը հայտնի դարձավ 2016 թվականին՝ եղբոր հետ զուգերգից հետո: Մամուլում հաճախ են քննարկվում, որ հենց Մհերն է օգնում քրոջը կայանալ և հաստատվել հայկական շոու բիզնեսում: