ԵՐԵՎԱՆ, 18 հոկտեմբերի — Sputnik. Աշխարհահռչակ ֆրանսիահայ շանսոնյե Շառլ Ազնավուրի կրտսեր որդին՝ Նիկոլա Ազնավուրը, ընտանիքով մշտական բնակության է տեղափոխվել Հայաստան: Նիկոլան և նրա կինն այս մասին ասել են Գյումրիում լրագրողների հետ զրույցում: «Մենք արդեն տեղափոխվել ենք և ապրում ենք Հայաստանում»,- ասել է Նիկոլա Ազնավուրի կինը՝ Քրիստինա Սարգսյանը:
«Գյումրին մեր ընտանիքի համար կարևոր նշանակություն ունի: Ուրախությամբ ենք գալիս Գյումրի, և այս այցն առաջին անգամ չէ»,-նշել է Նիկոլա Ազնավուրը:
Հիշեցնենք` Նիկոլա Ազնավուրն առաջին անգամ Հայաստան էր ժամանել 2015թ.–ին Շառլ Ազնավուրի հետ` Երևանում ընթացող Ֆրանկոֆոնիայի միջազգային կազմակերպության արտգործնախարարների համաժողովի առիթով։
Շառլ Ազնավուրի մահից հետո Նիկոլան ղեկավարում է «Ազնավուր հիմնադրամը», որի միջոցով բարեգործական ծրագրեր է իրականացնում Հայաստանում։
«Շառլը»՝ Հոլիվուդում. ամերիկացիներն առաջինը կտեսնեն Ազնավուրի կյանքի մասին մյուզիքլը