ԵՐԵՎԱՆ, 15 հոկտեմբերի — Sputnik. Instagram-ում բացված էջում, որն աջակցում է հայտնի դերասանուհի Անաստասիա Զավորոտնյուկին, նոր գրառում է հայտնվել դերասանուհու առողջական վիճակի մասին։
«Տեղեկություն բոլոր սրտացավ մարդկանց համար․ Անաստասիան իսկապես բուժման կուրս է անցնում։ Նա կոմայի մեջ չի եղել, երբեք միացված չի եղել թոքերի արհեստական օդափոխության սարքին, հիշողության կորուստ, գիտակցության փոփոխություն, մկանների ատրոֆիա չի գրանցվել։ Այդ ամենը հերյուրանք է։ Կա հիվանդություն և կա այն հաղթահարելու վճռական նպատակ», - նշված է գրառման մեջ։
Գրառման հեղինակը խնդրել է, որպեսզի ԶԼՄ-ները կեղծ տեղեկություններ չտարածեն և մանրամասներ չներկայացնեն դերասանուհու հիվանդության մասին։
Ավելի վաղ հայտնել էին, որ Զավորոտնյուկի մոտ պոլիօրգան անբավարարություն և թոքաբորբ է զարգացել։ Նշվում էր նաև, որ բժիշկները դադարեցրել են կոմայի մեջ գտնվող դերասանուհու հակաուռուցքային բուժումը։ Սեպտեմբերի 13-ին հայտնի էր դարձել, որ դերասանուհին վերակենդանացման բաժանմունքում է` ծայրահեղ ծանր վիճակում։
Զավորոտնյուկի բուժումը դադարեցրե՞լ են. նախկին ամուսինը ներողություն է խնդրել
ԶԼՄ–ների տվյալներով` 48-ամյա դերասանուհին և նրա ամուսինը, գեղասահորդ Պյոտր Չերնիշևը, հիվանդության մասին իմացել են մոտ մեկ տարի առաջ իրենց դստեր` Միլայի ծնվելուց հետո։ Ենթադրվում է, որ քաղցկեղային հիվանդությունը կարող էր արտամարմնային բեղմնավորման և ցողունային բջիջներով երիտասարդացման պրոցեդուրաների հետևանք լինել։
Հայտնում էին, որ դերասանուհին բուժում է ստացել Եվրոպայում, սակայն վերջերս Մոսկվա է վերադարձել։ Վերջին շրջանում «Իմ հրաշալի դայակը» սերիալի աստղը հազվադեպ էր ներկայանում հանրությանը, չեղարկել էր բոլոր ներկայացումները։ Նա նույնիսկ ներկա չի գտնվել իր ավագ դստեր խանութի բացմանը։
Զավորոտնյուկի հարազատները որևէ կերպ իրավիճակը չեն մեկնաբանում։ Չորս տարի առաջ քաղցկեղից մահացել էր Անաստասիայի հայրը։
Մի հավատացեք, մամուլը խիստ չափազանցնում է. Զավորոտնյուկի ընկերները դատապարտել են ԶԼՄ-ներին