ԱԺ «Իմ քայլը» խմբակցության պատգամավոր, Պետաիրավական հարցերի մշտական հանձնաժողովի անդամ Վահագն Հովակիմյանը Sputnik Արմենիայի հետ զրույցում անդրադարձել է Սահմանադրական դատարանի որոշմանը, ըստ որի՝ նշված ատյանը մերժել է Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել:
Վահագն Հովակիմյանի կարծիքով՝ սա հնարավորություն էր ՍԴ անդամների համար, որպեսզի հանրությանն ապացուցեին, որ իրենք համապատասխանում են իրենց զբաղեցրած դիրքին, որ կառաջնորդվեին ՍԴ անդամի լիազորություններով, այլ ոչ թե անձնական նկատառումներով:
Թովմասյան. «Ինձ ներկայացվող մեղադրանքներից անգամ հավերի ծիծաղը կգա»
«Ամեն մարդ ինքն է ընտրում, թե ինչպիսին պետք է լինի ինքն ու ինչ անի: Այս դեպքում նրանք ուղղակի առաջնորդվել են խմբակային շահով: Համոզված եմ, որ ՍԴ անդամները հիմա կփորձեն ինչ-որ իրավական ձևակերպումներ գտնել, մանավանդ որ, այնտեղ առանձին մարդիկ մանիպուլյացիաների վարպետ են»,- նշում է ԱԺ պատգամավորը:
ՍԴ-ն Թովմասյանի լիազորությունները դադարեցնելու իր կարծիքը պետք է հիմնավորի. Գրիգորյան
Վահագն Հովակիմյանի համոզմամբ՝ հանրությունը սպասում էր ԱԺ դիմումի քննարկման, նույն հանրությունը իրենցից ակնկալում է լուծում, հետևաբար, երկիրը չի կարող իրեն թույլ տալ շռայլություն՝ ունենալով այնպիսի ՍԴ, որը չի վայելում հանրության վստահությունը:
Այս հարցը ԱԺ-ն անպայման լուծելու է, համոզված է Վահագն Հովակիմյանը: