ԵՐԵՎԱՆ, 14 հոկտեմբերի — Sputnik. 2019թ–ի առաջին 6 ամսում Հայաստանում 253 մլն դրամով շատ ներդրում է իրականացվել, քանի 2018–ի նույն ժամանակահատվածում, բայց կատարված ներդրումները կառավարությանը չեն բավարարում։ Այսօր լրագրողների հետ հանդիպման ժամանակ այս մասին ասաց ՀՀ էկոնոմիկայի նախարար Տիգրան Խաչատրյանը։
«Չի կարող ՀՀ տնտեսության մեջ լինել ՀՆԱ–ի նկատմամբ 17 տոկոս ներդրում, ինչպես 2017 և 2018թթ–ի ցուցանիշներն են, և դա համարվի բավարար։ Մեր բոլոր ուղղություններով տարվող աշխատանքների նպատակն է բարձրացնել բիզնեսով զբաղվելու գրավչությունը և, որպես հետևանք, ունենալ ավելի բարձր մակարդակի ներդրումներ, քան ունեցել ենք անցած երկու տարվա ընթացքում»,– ասաց նախարարը։
Կառավարության երկարաժամկետ թիրախում, Տիգրան Խաչատրյանի խոսքով, ՀՆԱ–ի առնվազն 10 տոկոսանոց աճն է, որի համար անհրաժեշտ են ՀՆԱ–ի 28-30 տոկոսի չափով ներդրումներ։
«Այսինքն` մենք չենք համարում, որ այսօր արձանագրվող 7 տոկոս տնտեսական ակտիվությունն այն սահմանն է, որը պետք է ՀՀ տնտեսության համար բնորոշ լինի։ Իսկ բարձր տնտեսական աճի հիմքն ավելի բարձր տնտեսական պոտենցիալն է, որը ձևավորվում է ներդրումների արդյունքում»,– ասաց նախարարը։
Ներդրումների աճի ցանկալի մակարդակին հասնելու համար Խաչատրյանը, մասնավորապես, նշեց, որ անհրաժեշտ է ունենալ ավելի որակյալ ենթակառուցվածքներ, ավելի պարզ վարչարարություն, եկամտային ու շահութահարկի ավելի ցածր տոկոսադրույքներ։
Հայաստանը հատուկ պայմաններ կստեղծի չինացի զբոսաշրջիկների համար
Էկոնոմիկայի նախարարը հիշեցրեց, որ այս խնդիրների մի մասն արդեն օրենսդրական մակարդակում կառավարությունը լուծել է, մյուսների ուղղությամբ աշխատանքները շարունակվում են։
Պղնձի ու ադամանդի արտահանումը նվազել է, փոխարենը նոր շուկաներ են նվաճում գինին ու շոկոլադը