ԵՐԵՎԱՆ, 14 հոկտեմբերի – Sputnik. Հոկտեմբերի 14-ին, ժամը 02:56-ին «911» ծառայությունն ահազանգ է ստացել, որ Երևանի Մաշտոցի պողոտայի թիվ 54 շենքի մոտակայքում տեղի է ունեցել ՃՏՊ, ավտոմեքենան շրջվել է. անհրաժեշտ է փրկարարների օգնությունը: Այս մասին հայտնում է ՀՀ արտակարգ իրավիճակների նախարարությունը։
Դեպքի վայր է մեկնել Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ «Nissan March» մակնիշի ավտոմեքենան (վարորդի տվյալները չի հաջողվել պարզել) դուրս է եկել ճանապարհի երթևեկելի հատվածից, բախվել արտաքին լուսավորության սյանը և շրջվել:
Երևանի հյուրանոցներից մեկում մարդ է մահացել. դեպքը կատարվել է հարազատների ներկայությամբ
Փրկարարները շտապօգնության մեքենային են մոտեցրել ուղևոր 24-ամյա Նարեկ Հ.-ին, ով հոսպիտալացվել է «Էրեբունի» ԲԿ, որտեղ բժիշկները տուժածի առողջական վիճակը գնահատել են ծանր, իսկ 25-ամյա Մկրտիչ Ա.-ն հոսպիտալացվել է «Սուրբ Գրիգոր Լուսավորիչ» ԲԿ։ Բժիշկները տուժածի վիճակը գնահատել են բավարար:
Փրկարարները հոսանքազրկել են ավտոմեքենան: