ԵՐԵՎԱՆ, 13 հոկտեմբերի - Sputnik. ԱԺ ԲՀԿ խմբակցության պատգամավոր Նաիրա Զոհրաբյանը facebook-ի իր էջում հրապարակում է արել՝ անդրադառնալով Ռեջեփ Թայիփ Էրդողանի պահվածքին՝ թուրքական ուժերի կողմից Սիրիայի հյուսիսային շրջանում ռազմական գործողությունների իրականացման ժամանակ:
«Մի քանի տարի առաջ, Ստրասբուրգում, ճեղքելով Էրդողանի թիկնապահների պատնեշը, Էրդողանին տվեցի Հայոց ցեղասպանության զոհ երեխաների նկարներով ֆոտոարխիվ: Վերցրեց և սառը հայացքով սկսեց թերթել: Ու այսօր պատմությունը կրկնվում է: Նույն աչքերը, որոնց առանց ցավի և ցասումի նայել հնարավոր չէ»,- գրել է նա:
Նշենք, որ այսօր Էրդողանը հրաժարվել է հետևել արևմտյան առաջնորդների կոչերին և բանակցություններ սկսել Քրդստանի աշխատավորական կուսակցության հետ, որի դեմ նա ռազմական գործողություն է իրականացնում:
Ըստ նրա` թուրքական բանակը կարող է մի քանի օրից Սիրիայում ավարտել գործողությունները:
Հիշեցնենք` հոկտեմբերի 9-ին Թուրքիայի բանակը հարվածներ էր հասցրել Սիրիայի հյուսիս–արևելքում գտնվող Էլ Հասակե գավառին, մասնավորապես` «Մանսուրա» ամբարտակին և Ռաս էլ Այն քաղաքին։
Քրդերը Սիրիայում թուրքական 7 տանկ և 75 զինվոր են ոչնչացրել
Ավելի վաղ Թուրքիայի նախագահ Ռեջեփ Թայիփ Էրդողանը հայտարարել էր Սիրիայում «Խաղաղության աղբյուր» ռազմական գործողությունների մեկնարկի մասին, որոնք, իր խոսքով, ուղղված են Քրդստանի աշխատավոր կուսակցության և մի շարք երկրներում արգելված «Իսլամական պետություն» ահաբեկչական խմբավորման դեմ։
Թուրքական բանակը հարվածներ է հասցրել Սիրիայի հյուսիս–արևելքի «Մանսուրա» ամբարտակին