ԵՐԵՎԱՆ, 11 հոկտեմբերի - Sputnik. Հայտնի դերասան Մկրտիչ Արզումանյանը շեշտում է` մինչ օրս էլ լսում ու ենթարկվում է մորը։
Սիրված ու ճանաչված դերասան, երգիծաբան Մկրտիչ Արզումանյանի մայրիկն այսօր նշում է ծննդյան 65-ամյակը։ Դերասանը արխիվային լուսանկար է հրապարակել instagram-ի իր էջում, որտեղ ինքն ընդամենը 1,5 տարեկան է և ջերմ գրկել է մորը։
«Մամ ջան, ծնունդդ շնորհավոր։ Եվ թող ժպիտդ երբեք չպակասի»,-լուսանկարին կից գրել է դերասանը։
Sputnik Արմենիան օրվա առթիվ զրուցել է դերասանի հետ։ Լուսանկարի պատմությունը Մկրտիչը, ցավոք, չի հիշում։ Միայն նշում է, որ պատահական լուսանկար է և տանն են նկարվել։
Դերասանը խոստովանում է, որ զգացմունքային մարդ է և իր զգացմունքները մոր հանդեպ չի կարողանում չարտահայտել։
Մկրտիչ Արզումանյանը կոչով դիմել է հետևորդներին. ինչն է վրդովեցրել դերասանին
«Ես միշտ ասում եմ, թե մորս ինչքան եմ սիրում, երբ կարոտում եմ էլի իր գիրկն եմ վազում, համբուրում։ Նրա յուրաքանչյուր բառը, խորհուրդը, նկատողությունը շատ թանկ է ինձ համար։ Լսում եմ և ենթարկվում, այնպես, ինչպես իր ծնողին անսահման սիրող ցանկացած մարդ»,- մեզ հետ զրույցում ասաց Արզումանյանը։
«Չէ, լավ ա, գործի մեջ չեմ խմում». ո՞ւմ է ակնարկում Մկրտիչ Արզումանյանը
Դերասանը չի թաքցնում` մայրս միշտ ուշադիր է իր նկատմամբ, իսկ այժմ այդ ուշադրությունը տարածում է նաև թոռնիկների վրա։
Նշենք, որ դերասանի սոցիալական էջերը լի են զվարճալի ու դրական հրապարակումներով։ Նրա հումորային գրառումները երբեմն լուրջ ենթատեքստեր են պարունակում։ Նա միշտ յուրօրինակ ձևով է արձագանքում հանրային իրադարձություններին: