ԵՐԵՎԱՆ, 10 հոկտեմբերի — Sputnik. 2018թ–ի գրականության Նոբելյան մրցանակի դափնեկիր է դարձել լեհ բանաստեղծուհի Օլգա Տոկարչուկը, 2019թ–ի մրցանակակիր` ավստրիացի գրող Պետեր Հանդկեն։ Այս մասին հայտնում է ՌԻԱ Նովոստին։
Ակադեմիայի մշտական քարտուղար Մատս Մալմը հայտարարել է, որ Տոկարչուկը մրցանակը ստացել է «պատմողական երևակայության համար, որը հանրագիտարանային կրքով սահմանների հատումը ներկայացնում է որպես կյանքի ձև»։ Հանդկեն մրցանակը ստացել է «մարդկային գոյության սահմաններն ու առանձնահատկությունները հետազոտող ազդեցիկ աշխատանքի համար»:
Պարգևատրման արարողությունը տեղի կունենա Ստոկհոլմում դեկտեմբերի 10–ին Դափնեկիրներից յուրաքանչյուրը կստանա մոտ 900 հազար դոլար։
Անհավանական բացահայտումներ կամ հայերից ո՞վ է արժանի Նոբելյան մրցանակի
Անցած տարի գրականության մրցանակը չեղյալ էր հայտարարվել խոշոր սկանդալի պատճառով, որի կենտրոնում էր հայտնվել լուսանկարիչ և մշակույթի ազդեցիկ գործիչ Ժան Կլոդ Առնոն՝ ակադեմիայի անդամ Կատարինա Ֆրոստենսոնի ամուսինը: Առնոն երկար տարիներ ակտիվորեն մասնակցել է գրականության Նոբելյան կոմիտեի գործունեությանը: Բայց 2018 թվականին նրան մեղադրել են դափնեկիրների անունները ժամկետից շուտ լրագրողներին հայտնելու մեջ, բացի այդ, նա Շվեդիայի վերաքննիչ դատարանի առջև է կանգնել սեռական ոտնձգությունների մեղադրանքով:
Նոբելյան՝ աստղաֆիզիկայի բնագավառում. ովքե՞ր են արժանացել Վիկտոր Համբարձումյանի մրցանակին