ԵՐԵՎԱՆ, 10 հոկտեմբերի — Sputnik. Ուկրաինայի նախագահ Վլադիմիր Զելենսկին պատասխանել է Օդեսայի քաղաքապետ Գենադի Տրուխանովի` նոր իշխանությանն ուղղված կատակին, որն արդեն թևավոր խոսք է դարձել։ Ինչպես հաղորդում է ՌԻԱ Նովոստին, Զելենսկին ոչ պակաս հումորային պատասխան է տվել 10–ժամանոց ասուլիսի ընթացքում։
Օդեսայի քաղաքապետը Ուկրաինայի նոր իշխանությանը համեմատել է «հասարակաց տուն գնացած տղաների հետ»։ «Ամեն ինչ հավանում են, բայց ոչինչ անել չեն կարող», – ասել է նա։
Մեկնաբանելով այդ արտահայտությունը` Զելենսկին ասել է, որ նրան դուր է եկել այդ կատակը, բայց մի «բայց» կա։
«Ես ուղղակի ուզում եմ հիշեցնել, որ երբ տղաները գալիս են, տղամարդիկ հեռանում են», – ասել է նախագահը։
Նա ավելացրել է, որ Օդեսայի քաղաքապետի պաշտոնում տեսնում է իր քաղաքում նախընտրական շտաբի ղեկավար Ալեքսանդր Անդրոսովին, բայց վերջինս չի ուզում զբաղվել քաղաքականությամբ։
Զելենսկու կինը ֆուրոր է առաջացրել իր ուլտրանորաձև հագուստով. լուսանկար