ԵՐԵՎԱՆ, 8 հոկտեմբերի — Sputnik. «Հայկական վիրտուալ կամուրջ» նոր նախագիծը թույլ կտա երկիրը վերածել բարձր տեխնոլոգիաների միջազգային կենտրոնի։ Այս մասին WCIT–2019 համաշխարհային համաժողովի շրջանակում տեղի ունեցած ասուլիսում ասաց բարձր տեխնոլոգիական արդյունաբերության նախարար Հակոբ Արշակյանը։
«Highconnect» -ից բացի, համաձայնագիր ենք ստորագրել AGBU–ի հետ` պարոն Զորյանի նախագահությամբ («Սինոփսիս Արմենիա» ընկերության ղեկավար Երվանդ Զորյան` խմբ.)։ Նախագիծը կոչվում է «Հայկական վիրտուալ կամուրջ»», – ասաց նախարարը։
Նրա խոսքով` նախագիծը ձեռնարկություններին, գործարարներին, որոնք կազմակերպություն են ստեղծում Հայաստանում, թույլ կտա HighConnect-ի միջոցով պահպանել կապը «Սիլիկոնյան հովտի» հետ։
Ականորսիչ ու կախարդական հայելի. DigiTec Expo–ն կօգնի հատուկջոկատայինին և գեղեցկուհուն
Նրանք կարող են կապ հաստատել աշխարհի հայտնի հայերի, ազդեցիկ գործարարների հետ։
«Օրինակ` ինչ–որ մեկը Ղազախստանից, Ռուսաստանից կամ Բելառուսից հնարավորություն կստանա հանդիպել Ալեքսիս Օհանյանի, Սերժ Թանկյանի կամ Զորյանի հետ», – ասաց Արշակյանը։
Դա թույլ կտա Հայաստանին դառնալ կենտրոն։ Պետք է առաջարկել գործարարներին աշխատել Հայաստանում` տալով նման հնարավորություններ։ Եթե այդ հնարավորությունը համակարգված օգտագործվի, ապա, նախարարի կարծիքով, այն ինքնին գրավիչ կդառնա։
Այսպիսով, «Հայկական վիրտուալ կամուրջը» հիմնված կլինի «HighConnect» նախագծի վրա։ Այդ ամենը թույլ կտա Հայաստանին դառնալ միջազգային հայթեք–կենտրոն։
Ավելի վաղ Reddit կայքի և Initialized Capital վենչուրային ընկերության համահիմնադիր Ալեքսիս Օհանյանն ու աշխարհահռչակ երաժիշտ Սերժ Թանկյանը WCIT 2019-ի ընթացքում ազդարարել են «Համահայկական թվային պլատֆորմ» ստեղծելու մասին։