Իրինա Շեյքը բազմանշանակալից լուսանկարով ակնարկել է, որ սիրավեպ ունի կրքոտ իտալացու հետ

ԵՐԵՎԱՆ, 5 հոկտեմբերի – Sputnik. Ռուսաստանցի մոդել Իրինա Շեյքը, որի անունը դեռ վերջերս հոլովվում էր դերասան Բրեդլի Կուպերի հետ սկանդալային բաժանման պատճառով, կարծես թե արդեն ուշքի է եկել և շարունակում է ուրախացնել երկրպագուներին իր նոր լուսանկարներով։

Այս անգամ 33-ամյա գեղեցկուհին Instagram–ի իր էջում 44-ամյա իտալացի դիզայներ Ռիկարդո Տիշի հետ համատեղ լուսանկար է հրապարակել։ Բաժանորդներին հատկապես հետաքրքրել է առեղծվածային գրառումը. «Իմը»։

Շատերը չեն երկմտել ու ուղիղ հարցրել են` նրանց ընկերությունը սիրո չի՞ վերածվել, բայց Շեյքը ոչ մեկին չի պատասխանել։ Ոմանք էլ բավական զայրացած մեկնաբանություններ են գրել. «Այս ի՞նչ փայտահատ է», «Անհավանական է, երևի ուղղակի ընկերներ են», «Դու գեղեցիկ ես, իսկ նա` ոչ այնքան», «Եվ ո՞վ է նա», «Իրիշկա–մարտիշկա», «Իհարկե ընկերներ են, նա գեյ է, իմացեք», «Ո՞ւր է Բրեդլին, նա ավելի լավն է»։

Իրինա Շեյքը, Ստելլա Մաքսվելլն ու մյուս աստղերը Կաննում. Sputnik Արմենիայի բացառիկ կադրերը

Լուսանկարը հրապարակել է նաև դիզայները։ Նա նույնպես բավական բազմանշանակ գրառում է կատարել. «Փարիզ։ Իմ սեր»։ Իրինան նրան պատասխանել է`«Amore», ինչը կարող է և՛ «սեր» նշանակել, և՛ «սիրելիս»։ Ռիկարդոյի բաժանորդներն ավելի բարի են գտնվել և հիմնականում սրտիկի տեսքով էմոջիներ են «շաղ տվել» լուսանկարի տակ։

Նշենք, որ այս զույգը բազմաթիվ անգամ է համատեղ լուսանկարներ հրապարակել, որոնցից մի քանիսում նրանք նույնիսկ անկողնում են։ Ամեն անգամ լուսանկարները բուռն արձագանքի են արժանացել, թեև բազմաթիվ լուրեր են պտտվում Տիշի ոչ ավանդական սեռական կողմնորոշման մասին։

Իրինան և Տիշը խուսափում են մեկնաբանություններից` շարունակելով անողոքաբար գրգռել հանրության հետաքրքրասիրությունը։