ԵՐԵՎԱՆ, 5 հոկտեմբերի – Sputnik. Այսօր 4 անձինք՝ Դավիթ Հովհաննիսյանը, Սարգիս Մանուկյանը, Արտակ Մարգարյանն ու Հայկ Ստեփանյանը, պաշարել են «Հայելի» մամուլի ակումբը։ Այս մասին նշված է hayeli.am կայքում։
Նրանք ձվեր են նետել ակումբի դռներին ու պաստառներ փակցնում։ Դավիթ Հովհաննիսյանն ասել է, որ պահանջում է փակել լրատվամիջոցը։
«Նման ակցիայի պատճառը Hayeli.am կայքով հրապարակված «Ալիևի ուշացած, բայց հուժկու պատասխանը Փաշինյանին» վերտառությամբ հոդվածն է»,– նշում է կայքը։
Ակցիայի մասնակիցների խոսքով՝ նրանք պատրաստվում էին նույնը անել ակումբի ներսում, եթե դուռը բաց լիներ։
Նշենք, որ «Հայելի» ակումբի ղեկավարն Անժելա Թոմվասյանն է` ՍԴ նախագահ Հրայր Թովմասյանի քույրը։
Հրայր Թովմասյանը հայտարարություն է տարածել
Ոստիկանությունից Sputnik Արմենիային հայտնեցին, որ ուսումնասիրում են հրապարակումը և այս պահին ստուգողական աշխատանքներ են իրականացնում։
«Սատանայի փաստաբան» Հրայր Թովմասյանը գնալու է Սերժ Սարգսյանի հետևից. Ալեն Սիմոնյան