ԵՐԵՎԱՆ, 1 հոկտեմբերի — Sputnik. Եվրասիական տնտեսական միությունը և Սինգապուրն ազատ առևտրի մասին համաձայնագիր կնքեցին։ Հայաստանի, Բելառուսի, Ղազախստանի, Ղրղըզստանի, Ռուսաստանի և Սինգապուրի փոխվարչապետները փաստաթուղթը ստորագրեցին Երևանում կազմակերպված Եվրասիական բարձրագույն տնտեսական խորհրդի նիստում։
Բացի դրանից, կողմերը համապարփակ տնտեսական համագործակցության մասին շրջանակային համաձայնագիր ստորագրեցին։
Ստորագրման արարողությանը ներկա էին ԵԱՏՄ անդամ երկրների ղեկավարները և Սինգապուրի վարչապետը։
Համաձայնագիրը նախատեսում է գրեթե բոլոր ապրանքների մաքսատուրքերի չեղարկում, բայց կան բացառություններ։ ԵԱՏՄ անդամ երկրների նախաձեռնությամբ` չեղյալ չեն հայտարարվել պարենային որոշ ապրանքների (տավարի միս, կաթ, մանկական սնունդ, պանիր, շաքար), ինչպես նաև մարդատար ավտոմեքենաների ու պոլիմերների որոշ տեսակների տուրքերը։
Սերբիա, Եգիպտոս, Իսրայել, Հնդկաստան. Փաշինյանը խոսել է ԵԱՏՄ ապագա ծրագրերից
Սինգապուրն անմիջապես կչեղարկի մաքսատուրքերը, իսկ ԵԱՏՄ երկրները դա կանեն փուլ առ փուլ` 10 տարվա ընթացքում։
Շրջանակային համաձայնագիրը ենթադրում է բիզնեսի դրամային հաշվարկների իրավական պաշտպանություն, արդար մրցակցություն, ինչպես նաև համագործակցության զարգացում մաքսային վարչարարության, էլեկտրոնային առևտրի և պետգնումների ոլորտներում։
Նշենք, որ հոկտեմբերի 1–ին Երևանում անցկացվում է Եվրասիական բարձրագույն տնտեսական խորհրդի նիստը` նեղ և ընդլայնված կազմով։
ԵԱՏՄ անդամ պետությունների ղեկավարները դիմավորեցին բարձրաստիճան հյուրերին. տեսանյութ