ԵՐԵՎԱՆ, 1 հոկտեմբերի — Sputnik. ԵԱՏՄ բարձրագույն խորհրդի նիստից և համաձայնագրերի կնքումից հետո ԵԱՏՄ երկրների առաջնորդները միկրոավտոբուսով ուղևորվել են «Թումո» կենտրոն։
Ճանապարհին ՀՀ վարչապետ Նիկոլ Փաշինյանը սելֆի է արել և հրապարակել այն facebook–ի իր էջում։
«Ճանապարհային սելֆի:) Այս ընթացքում հասցրեցինք կարևոր որոշում կայացնել»,–նկարի տակ գրել է Փաշինյանը։
Նկարում անգամ սելֆի չսիրող նախագահներն են հայտնվել։ Վերջում նստած է ՌԴ նախագահ Վլադիմիր Պուտինը, նրա կողքին Ղազախստանի նախագահ Կասիմ-Ժոմարտ Տոկաևն է։ Միկրոավտոբուսում են նաև Իրանի նախագահ Հասան Ռոհանին, Ղրղըզստանի նախագահՍոորոնբայ Ժեենբեկովն ու Մոլդովայի նախագահ Իգոր Դոդոնը։
Փաշինյանը բացահայտել է` նախագահներից ով չի սիրում սելֆի անել, ու բացակաների կենացն են խմել
Նշենք, որ նախագահական նստավայրից հյուրերն ուղևորվել են «Թումո» կենտրոն, որտեղ նախատեսված է «Եվրասիական աշխարհամասի տարանցիկ ներուժը» համաժողովը։