ԵՐԵՎԱՆ, 1 հոկտեմբերի - Sputnik. ՀՀ մարդու իրավուքների պաշտպան Արման Թաթոյանը տարեցների միջազգային օրվա կապակցությամբ ուղերձ է հղել։ Նա շնորհավորել է տարեցներին և նշել, որ այսօր ևս մեկ առիթ ունենք ավելի շատ ուշադրություն դարձնելու նրանց, շրջապատելու հոգատարությամբ և ջերմությամբ:
«Ձեր նկատմամբ ուշադրությունը, արժանապատվության ու իրավունքների նկատմամբ հարգանքը պետք է լինի բոլորիս հոգածության ներքո: Մեր ամենօրյա աշխատանքում մենք պետք է գործադրենք առավելագույն ջանքեր այս արժեքների պահպանման համար, ինչպես նաև ապահովենք ձեր սոցիալական պաշտպանությունը, մասնակցությունը հասարակական կյանքին ու առողջ ծերացումը»,- գրել է նա:
Թաթոյանը նշել է, որ տարեցների հարուստ կենսափորձը, որը նպաստել է մեր հասարակության բազմամյա գործունեությանը, պետք է օրինակ ծառայի երիտասարդ սերնդի համար:
Հայաստանում ծերերի թիվը գերազանցել է 10%–ը. ինչպես կարելի է երիտասարդացնել բնակչությանը
«Դուք մեր պատմական արժեքները կրողը և հասարակական զարգացման կայունությունը պահպանողն ու փոխանցողն եք:Մեր երկրի Սահմանադրությամբ է երաշխավորված տարեցների արժանապատիվ ապրելու իրավունքը: Մարդու իրավունքների միջազգային սկզբունքները ևս պահանջում են լիարժեք երաշխավորել տարեցների իրավունքները, ապահովել նրանց առողջ, լիարժեք և արժանավայել կյանքը»,- ընդգծել է ՀՀ ՄԻՊ-ը:
Հայաստանցի թոշակառուները կպայքարեն համակարգչային բազմամարտում
Թաթոյանը կարևորել է տարեցների իրավունքների պաշտպանությունն ու առնչվող երջանիկ ծերության ապահովումը։
Ընդհանուր մեդալների քանակով տղամարդկանց հավաքականը 3-րդ տեղն է