Արտենիում ՊՆ բեռնատարների մասնակցությամբ խոշոր ավտովթարի դեպքով քրգործ է հարուցվել

ՊՆ ենթակայության տակ գտնվող մեքենաները, որոնք մասնակցում են ուուսումնավարժական հավաքին, խոշոր ու ողբերգական ավտովթարի պատճառ են դարձել։
Sputnik

ԵՐԵՎԱՆ, 30 սեպտեմբերի – Sputnik. ՀՀ ՔԿ զինվորական քննչական գլխավոր վարչությունում քրեական գործ է հարուցվել Արմավիր-Գյումրի ավտոճանապարհին տեղի ունեցած վթարի դեպքով, որի արդյունքում ավտոբուսի վարորդը տեղում մահացել էր, իսկ 13 ուղևորը տեղափոխվել էին հիվանդանոց, հաղորդում է ՀՀ քննչական կոմիտեն։

Արմավիր - Արտենի ճանապարհին ավտոբուսը բախվել է ԿԱՄԱԶ-ին. կա զոհ և 10 վիրավոր

Նշվում է, որ սեպտեմբերի 29-ին՝ ժամը 16:30-ի սահմաններում, Արմավիր-Գյումրի ավտոճանապարհի 27-րդ կմ հատվածում, իրենց կցված հրանոթներով միմյանց են բախվել  «Զիլն » ու 3 հատ «Կամազ» մակնիշի ավտոմեքենաներն ու կայանել ճանապարհի երթևեկելի գոտում:

Գորիս-Կապան ավտոճանապարհին բեռնատար է կողաշրջվել. վարորդը հիվանդանոցում է

«Երթևեկության անվտանգ պայմաններ ապահովված չլինելու և հետագա հնարավոր ճանապարհատրանսպորտային պատահարները կանխելու ուղղությամբ միջոցներ ձեռնարկված չլինելու հետևանքով ժամը 19:30-ի սահմաններում նշված ճանապարհահատվածով ընթացող «ԿԱՎԶ»  մակնիշի 35 SN 646 հաշվառման համարանիշի ուղևորատար ավտոբուսը բախվել է «Կամազ» մակնիշի 625 AF 61 հաշվառման համարանիշի ավտոմեքենային կցված հրանոթին, որի հետևանքով ավտոբուսի վարորդը՝ Արագածոտնի մարզի Արագածավան գյուղի բնակիչ, 1958թ. ծնված Հակոբ Գրիգորի Հակոբյանը, տեղում մահացել է, իսկ  13 ուղևորները, տարբեր աստիճանի մարմնական վնասվածքներով, տեղափոխվել են բժշկական կենտրոններ»,–ասվում է Քննչականի տարածած հաղորդագրությունում:

Արմավիրում բախվել են ՊՆ–ի բեռնատարն ու «BMW»–ն. կա 4 տուժած

Դեպքի առթիվ ՀՀ ՔԿ զինվորական քննչական գլխավոր վարչության տասներորդ կայազորային քննչական բաժնում ՀՀ քրեական օրենսգրքի 377-րդ հոդվածի 2-րդ մասով (Մեքենաներ վարելու կամ շահագործելու կանոնները խախտելը) հարուցվել է քրեական գործ, կատարվում է նախաքննություն: