ԵՐԵՎԱՆ, 27 սեպտեմբերի — Sputnik. Անցած տարվա օգոստոսին Ռուսաստանի սահմանն անօրինականորեն հատելու փորձ կատարած Հայաստանի քաղաքացիները մեղավոր են ճանաչվել։ Այդ մասին հաղորդում է «Աիֆ Կալինինգրադը»` հղում անելով Ռուսաստանի Անվտանգության դաշնային ծառայության սահմանապահ վարչությանը։
Նշվում է, որ ուժի մեջ է մտել շրջանային դատարանի որոշումը Հայաստանի չորս քաղաքացիներին մեղավոր ճանաչելու մասին։
Աղբյուրի համաձայն, ժամանելով շրջան Եվրամիության երկրներ այցելելու համար, ՀՀ քաղաքացիները ժամանակավոր աշխատանքի են անցել շինարարության ոլորտում։
Գիշերը 28-41 տարեկան չորս տղամարդ գնացել են սահմանամերձ գոտի, փորձել հատել ռուս–լեհական սահմանը, որոնց սահմանապահ վարչության աշխատակիցները ձերբակալել են։
Այստեղից է սկսվում Հայաստանը… Երեք սահմանների խաչմերուկում ապրողների մասին
Հայաստանի քաղաքացիները սահմանն անօրինականորեն հատելու համար ընդհանուր ռեժիմի բանտում կանցկացնեն 1 տարի 4 ամսից մինչև 1 տարի 7 ամիս։