ԵՐԵՎԱՆ, 26 սեպտեմբերի — Sputnik. Կոնսերվատորիայի Գյումրիի մասնաճյուղի տնօրեն, «Վերածնունդ միջազգային մրցույթ փառատոն» ՀԿ–ի նախագահին մեղադրանք է առաջադրվել` քաղաքացիներից գումարներ հափշտակելու համար։ Այս մասին հայտնում է ՀՀ ոստիկանության պաշտոնական կայքը։
«Պարզվել է, որ կոնսերվատորիայի Գյումրիի մասնաճյուղի տնօրեն Կարինե Ավդալյանը մի շարք անձանցից ԱՄՆ տեղափոխելու նպատակով խարդախությամբ հափշտակել է գումար։ Սեպտեմբերի 20-ին Կարինե Ավդալյանին մեղադրանք է առաջադրվել»,–նշված է հաղորդագրության մեջ։
Իրավապահները հիմնավոր տեղեկություններ ունեն, որ նրա գործողություններից տուժել են այլ անձինք ևս, որոնք կարող են դիմել ոստիկանության Կումայրիի կամ մոտակա բաժին, կամ զանգահարել 1-02 հեռախոսահամարով։