ԵՐԵՎԱՆ, 26 սեպտեմբերի – Sputnik. Amazon ընկերությունն այսօր՝ սեպտեմբերի 26-ին, ներկայացրեց երկու նորույթ, որոնք աշխատում են Alexa ձայնային օգնականի հետ։ Խոսքը Echo Frames ակնոցի և Echo Loop մատանու մասին է։ Ընկերությունը դրանք կսկսի վաճառել սահմանափակ քանակությամբ. մատակարարումը կմեծացնեն, եթե պահանջարկ լինի։
Չինական ընկերությունը ներկայացրել է ծալովի էկրանով առաջին սմարթֆոնը
Echo Frames ակնոցը շատ նման է սովորական ակնոցներին` առանց որևէ տեսախցիկների, էկրանների։ Ակնոցը թույլ է տալիս շփվել դրա մեջ ներկառուցված Alexa ձայնային օգնականի հետ։ Այն օգտատիրոջը պատասխանում է open-ear տեխնոլոգիայի միջոցով, որի մասին դեռ հստակ տեղեկություն չկա, ամենայն հավանականությամբ, դա ընդամենը հատուկ ուղղությամբ տեղադրված բարձրախոս է։ Ակնոցն անհրաժեշտ է կցել սմարթֆոնին, քանի որ այն չունի հասանելիություն դեպի համացանցը։
Այս դեպքում, ակնոցի միջոցով հնարավոր է շփվել ձայնային օգնականի հետ, երաժշտություն լսել և զանգեր կատարել։ Ակնոցի գինը կազմում է 250 դոլար։
Echo Loop մատանին ավելի անսովոր արտադրանք է։ Առաջին հայացքից այն սովորական մատանի է, որը բարձրախոսի և միկրոֆոնի միջոցով աշխատում է Alexa ձայնային օգնականի հետ։ Ամեն ինչ շատ ճիշտ է, Amazon-ը առաջարկում է շփվել մատանու հետ։
Օգնականին ակտիվացնելու համար մատանին ունի հատուկ կոճակ։
Այն ևս անհրաժեշտ է միացնել սմարթֆոնին։ Կորպուսը տիտանից է, իսկ մեկ լիցքավորումով սարքն աշխատում է մեկ օր։ Գինը 180 դոլար է