ԵՐԵՎԱՆ, 25 սեպտեմբերի — Sputnik. Ռուսական ORSIS ընկերությունը ORSIS-AR15J հրացանի սերիական արտադրություն է սկսել։ Այս զենքն ամերիկյան առավել հայտնի հրաձիգի` AR-15 կիսաավտոմատ հրացանի անալոգն է։ Այս մասին հայտնում է ՌԻԱ Նովոստին` հղում անելով ընկերության պաշտոնական ներկայացուցչին։
«Նախկինում այս հրացանները մենք հավաքում էինք ամերիկյան բաղադրիչներից։ Այժմ ընկերությունը սեփական արտադրությունն է սկսել և կախված չէ ԱՄՆ–ից այդ մասերի մատակարարումից», – ասել է գործակալության զրուցակիցը։
Նրա խոսքով` ORSIS-AR15J–ը R-15 կիսաավտոմատ հրացանի անալոգն է, որն ի սկզբանե ստեղծվում էր որպես ԱՄՆ բանակի գրոհային հրացան։
Նոր տարբերակի հիմնական առանձնահատկությունը ORSIS–ի արտադրության փողերն են, որոնց հաշվին զգալիորեն մեծանում է հրացանի գործածության ճշգրտությունը։
Ընկերությունն արդեն սկսել է նախնական պատվերներ ընդունել։