ԵՐԵՎԱՆ, 25 սեպտեմբերի — Sputnik. Հենրիխ Մխիթարյանի թիմն Իտալական Ա սերիայի 5-րդ տուրի շրջանակում այսօր պարտություն կրեց։ «Ռոմա»–«Ատալանտա» հանդիպումն ավարտվեց 0։2 հաշվով` հօգուտ «Ատալանտայի»։
Հայաստանի հավաքականի ավագ Հենրիխ Մխիթարյանը դաշտ դուրս եկավ 65-րդ րոպեին:
Պաուլո Ֆոնսեկայի թիմն առաջին խաղակեսի ընթացքում այդպես էլ լուրջ գոլային պահեր չստեղծեց: Երկրորդ խաղակեսում հանդիպման հաշիվը բացեց «Ատալանտայի» ֆուտբոլիստ Զապատան:
Գոլից հետո «Ատալանտան» կարող էր մի քանի անգամ կրկնապատել հաշվի տարբերությունը, սակայն բախտը ժպտաց հռոմեացիներին:
Միայն հանդիպման ավելացված ժամանակում «Ատալանտային» հաջողվեց խփել երկրորդ գոլը: Աչքի ընկավ Մարտին Դե Ռոն:
Այս խաղից հետո «Ռոման» իջավ մեկ հորիզոնականով և հավաքած 8 միավորներով զբաղեցրեց 5-րդ հորիզոնականը: