ԵՐԵՎԱՆ, 25 սեպտեմբերի – Sputnik. Instagram-ը ծանուցել է Android հավելվածի 114.0.0.0.24 տարբերակը, որում ավելացրել են մութ ինտերֆեյս՝ մոխրագույն և սև էլեմենտներով։ Դրանք էլ իրենց հերթին համապատասխանեցված են AMOLED էկրաններով սմարթֆոններին։ Նման արտաքին տեսքը որոշ չափով կխնայի մարտկոցի էներգիան։ Բացի դրանից, երեկոյան ժամերին հավելվածից օգտվելն ավելի հարմար կդառնա։
Ինչպես հայտնում է XDA-Developers պարբերականը, գործառույթը դեռ հասանելի է One UI համակարգով աշխատող Samsung սմարթֆոնների և Android 10 ունեցող սարքերի համար։ Թե երբ գործառույթը կստանան մյուս սմարթֆոնները, դեռ հայտնի չէ։
Instagram-ի 114.0.0.0.24-րդ տարբերակն առաջիկայում հասանելի կլինի Google Play հավելվածների խանութում։
Samsung-ը ծաղրել է Huawei-ին․ լուսանկար
Հիշեցնենք, որ Facebook-ի Messenger-ը, Google-ի մի շարք հավելվածներ, Android 10-ը և iOS 13-ն արդեն ունեն մութ ռեժիմ։
Այ քեզ բան․ քո իսկ դեմքով էմոջիներ, ծածուկ քարտեզ և 8K հեռուստացույց