Նրանք սպասում էին այդ օրվան, կամ անկախությունը` սյունիքցիների աչքերով. լուսանկարներ

Գոհարի համար Անկախության օրը կարևորագույն տոներից մեկն է։ Նա հավատում է, որ երկրի զարգացման ինքնիշխան ճանապարհը դժվար է, բայց կենսական կարևորություն ունի։ Նա միայն մի բան է ցանկանում` խաղաղ երկինք։

Սյունիքի մարզի Անտառաշատ գյուղի բնակիչ Կարենը նույնիսկ որդու հարսանիքն է հատուկ սեպտեմբերի 21-ին նշանակել։ Այսօր հաճախ է կատակում որդու հետ. չէ՞ որ նա այլևս ազատ չէ։ Կարենը հավատում է Հայաստանի լուսավոր ապագային։

Ջուլիետան համոզված է, որ անկախությունը լավ հնարավորություն է դարձել երկրի զարգացման համար։ Նա հույսը դրել է իշխանության իմաստության և եղած խնդիրների շուտափույթ լուծման վրա։

Իշխանը ազատությունը անկախության լավագույն արդյունքն է համարում։ Նա դժգոհ է վերջին 28 տարվա կյանքի պայմաններից, բայց համոզված է` պետական շահերը պետք է անձնականից վեր լինեն։ Ապագայում հույս ունի, որ ՀՀ քաղաքացիներն ավելի պաշտպանված և ապահով կզգան իրենց։

Աշխենի համար այսօր կարևոր տոն է։ Նա համոզված է, որ անկախության շնորհիվ մարդիկ հավատով լցվեցին փոփոխությունների հանդեպ։ Հիմա ռեստարտ է հարկավոր, որպեսզի քաղաքացիները կրկին հավատան սեփական ուժերին։

Յուրա պապը խորհրդային տարիներին ունևոր է եղել, բայց կողմ է եղել անկախացմանը։ Այսօր ապրելն ավելի դժվար է, բայց վստահեցնում է, որ ոչ մի անգամ չի զղջացել իր ընտրության համար։ Նա համոզված է, որ միայն անկախ երկրում կարող են ապագա կերտող ազատ մարդիկ մեծանալ։ Հայաստանին էլ միայն մեկ բան է մաղթում` իմաստուն կառավարում։

Վերոնիկան 6 երեխա ունի։ Նա կատակում է, որ շա՜տ լավ է գիտի անկախության գինը։ Համոզված է, որ եկել է բեկումնային պահը, և յուրաքանչյուր քաղաքացի պետք է իր ներդրումն ունենա հանրապետության կայացման հարցում։ Վերոնիկան ուզում է, որ Հայաստանի բոլոր երեխաները լինեն առողջ և միշտ ժպտան, իսկ ծնողները երբեք չմտածեն, թե ինչպես ապահովեն նրանց ապրուստը։