ԵՐԵՎԱՆ, 20 սեպտեմբերի – Sputnik. Այսօր` սեպտեմբերի 20-ին, խոշոր ու ողբերգական ավտովթար է տեղի ունեցել Արագածոտնի մարզում։ Ժամը 08։10-ի սահմանում Երևան-Գյումրի ճանապարհի 70 կմ հատվածում՝ Թալինի վարչական տարածքում, ճակատ-ճակատի բախվել են Volkswagen Jetta և Nissan Pathfinder մակնիշների ավտոմեքենաները։ Այս մասին հայտնում է shamshyan.com–ը։
Վթարի հետևանքով 1 մարդ տեղում մահացել է, 4–ին տեղափոխել են Թալինի բժշկական կենտրոն։ Առաջինը օգնության են հասել քաղաքացիները և Արտակարգ իրավիճակների նախարարության փրկարար ծառայության Արագածոտնի մարզային փրկարարական վարչության Թալինի հրշեջ-փրկարարական ջոկատը։
Այս պահին դեպքի վայրում աշխատում են Հայաստանի քննչական կոմիտեի Արագածոտնի մարզային քննչական վարչության Թալինի քննչական բաժնի քննիչները։
Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը։
Գազի արտահոսք. այրվածքներով հիվանդանոց տեղափոխված 4 անձանցից մեկը 2–ամյա աղջիկ է