ԵՐԵՎԱՆ, 20 սեպտեմբերի — Sputnik. Սեպտեմբերի 19-ին, ժամը 22:42-ին Շիրակի մարզի տարածում երկրաշարժ է գրանցվել։ Սեյսմիկ պաշտպանության տարածքային ծառայությունը գրանցել է երկրաշարժ` Բավրա գյուղից 13 կմ հարավ-արևելք։ Այդ մասին հայտնում են ՀՀ ԱԻՆ–ից։
Էպիկենտրոնում ստորգետնյա ցնցման ուժգնությունը կազմել է 3 բալ: Օջախը գտնվել է երկրի մակերևույթից 10 կմ խորությամբ, որտեղ ցնցման ուժգնությունը կազմել է 2.3 մագնիտուդ։
Երկրաշարժը 3 բալ ուժգնությամբ զգացվել է Շիրակի մարզի Բավրա, Ղազանչի և Աշոցք գյուղերում։
Հիշեցնենք, Բավրա գյուղից 12 կմ արևելք դարձյալ 3 բալանոց երկրաշարժ էր գրանցվել նաև սեպտեմբերի 14-ին։
Իսկ սեպտեմբերի 11-ին Բավրայից 13 կմ հյուսիս-արևելք տեղի էր ունեցել ավելի հզոր` 6-7 բալ ուժգնությամբ երկրաշարժ։
Շիրակի մարզում նորից երկրաշարժ է գրանցվել
Այն զգացվել էր ոչ միայն Շիրակի, այլև Լոռու, Տավուշի, Արագածոտնի, Արմավիրի մարզերում և Երևան քաղաքում: