Օդաչուները վարժանքներ են անցնում. պաշտպանության նախարարը` Սու-30 գնելու մասին

Ռուսական կործանիչները Հայաստան առաքելու գործընթացն իրականացվում է Ռուսաստանի հետ պայմանագրային պարտավորությունների շրջանակում։
Sputnik

ԵՐԵՎԱՆ, 20 սեպտեմբերի — Sputnik. Հայ օդաչուները վարժանքներ են անցնում, այսօր  լրագրողների հետ հանդիպմանն ասաց պաշտպանության նախարար Դավիթ Տոնոյանը` մեկնաբանելով Սու–30 ՍՄ կործանիչների առաքման հարցը։

ՀՀ–ի և Լիբանանի միջև ռազմատեխնիկական համագործակցության համաձայնագիրը վավերացման փուլում է

«Ես մի քանի անգամ արդեն ասել եմ։ Սպասենք մինչև տարեվերջ, 2020–ի սկիզբ։ Հիմա մեր փորձագետները, օդաչուները վարժանքներ են անցնում»,– ասաց Տոնոյանը։

Նա նշեց, որ ամեն ինչ ընթանում է պայմանագրային պարտավորությունների շրջանակում։

Ավելի վաղ Հայաստանի պաշտպանության նախարար Արծրուրն Հովհաննիսյանը Sputnik Արմենիային հայտնել էր, որ նախարարությունը Ռուսաստանից գնել է չորս Սու–30 ՍՄ կործանիչ` վճարելով ինչպես կանխիկ, այնպես էլ վարկային միջոցներով։

Տոնոյանը մեկնաբանեց ադրբեջանցի դիվերսանտներին ՀՀ քաղաքացիների հետ փոխանակելու հարցը

Մեկ Սու-30 ՍՄ–ի արժեքը կազմում է մոտ 22 միլիոն դոլար։