ԵՐԵՎԱՆ, 19 սեպտեմբերի – Sputnik. Այսօր՝ սեպտեմբերի 19-ին, Huawei-ը ներկայացրել է իր Mate 30 և Mate 30 Pro սմարթֆոնները։ Երկու սմարթֆոններն էլ աշխատում են EMUI 10 համակարգով, որի հիմքում Android 10-ն է: Չնայած այդ հանգամանքին, որ սմարթֆոններն աշխատում են Android օպերացիոն համակարգով՝ Google Play խանութը, սարքերում չկան Gmail-ը, Google-ի քարտեզը և Google-ի մյուս ծառայությունները։
Huawei Mate 30 Pro սմարթֆոնն ունի 6.53 դյույմանոց OLED էկրան (2400×1176): Սմարթֆոնն աշխատում է Kirin 990 պրոցեսորով, ունի 8ԳԲ օպերատիվ և 128/256ԳԲ ներքին հիշողություն, ինչպես նաև 5G ցանցին միանալու հնարավորություն: Սմարթֆոնի մատնահետքի սկաները տեղադրված է էկրանի տակ:
Սմարթֆոնը չունի ձայնը կառավարելու ֆիզիկական կոճակներ․ դրանց փոխարեն ձայնը բարձրացնել-իջեցնելու համար օգտագործվելու են էկրանի կողքի սենսորային կոճակները։
Mazda-ն մեկ ամսվա ընթացքում կներկայացնի իր առաջին էլեկտրամեքենան
Huawei Mate 30 Pro սմարթֆոնի հիմնական տեսախցիկն ունի 4 սենսոր, որոնցից 2-ը 40ՄՊ են, մյուսը՝ 8ՄՊ, և դիմանկարներ անելու համար նախատեսված 3D ToF սենսորը, որը տեղադրված է նաև սմարթֆոնի դիմային հատվածում գտնվող 32ՄՊ տեսախցիկում:
Այս տեսախցիկները ունեն բոլոր այն գործառույթները, որոնցով հագեցած են ժամանակակից ֆլագմանային սմարթֆոնները:
Սմարթֆոնի էկրանի կտրվածքում տեղադրված է առջևի տեսախցիկը, որի կողքին դեմքի 3D սկաներն է և մի նոր սենսոր, որը հետևում է ձեռքի շարժումներին։ Վերջինիս շնորհիվ հնարավոր է, օրինակ, առանց հպվելու թերթել նկարները։
Այ քեզ բան․ Apple-ի «եռաչքանի» սմարթֆոնը մեմերի է վերածվել. լուսանկարներ
Huawei Mate 30 սմարթֆոնի էկրանը 6.62 դյույմ է (2340×1080): Սմարթֆոնը զինված չէ ժեստերի համար նախատեսված նոր սենսորով: Օպերատիվ հիշողությունը 6/8ԳԲ է, իսկ ներքին հիշողությունը` 128ԳԲ: Այս սմարթֆոնի տեսախցիկը նույնպես հագեցած է 4 սենսորով, որոնցից մեկը 40 ՄՊ է, երկրորդը՝ 16 ՄՊ, երրորդը՝ 8 ՄՊ, իսկ չորրորդը լազերային ֆոկուսի «պատասխանատուն» է ։
Huawei Mate 30-ի գինը կսկսի 799 եվրոյից, իսկ Pro մոդելինը՝ 1099 եվրոյից։ Վաճառքի մեկնարկի ամսաթիվը դեռ հայտնի չէ։