ԵՐԵՎԱՆ, 18 սեպտեմբերի – Sputnik.Հայաստանի Հանրապետության ոստիկանապետ Վալերիյ Օսիպյանի հրաժարականի հարցը Անվտանգության խորհրդի նիստում չի քննարկվել: Այս մասին Ազգային ժողովում լրագրողներին ասաց Ազգային ժողովի նախագահ Արարատ Միրզոյանը։
«Այդ հարցը Անվտանգության խորհրդի նիստին քննարկվել չէր կարող։ Անվտանգության խորհուրդն ունի հստակ սահմանված օրակարգ` թե ինչի մասին պետք է խոսվի։ Նիստին բացառապես օրակարգն է քննարկվել»,–հայտարարեց Միրզոյանը։
Նա հրաժարվեց մեկնաբանել` սպասվո՞ւմ է Վալերիյ Օսիպյանի հրաժարականը, թե՝ ոչ։
Պաշտպանության նախարարը մեկնաբանել է իր հնարավոր հրաժարականի մասին լուրերը
Հիշեցնենք, որ Անվտանգության խորհրդի հերթական նիստը գումարվել էր երեկ՝ սեպտեմբերի 17-ին, վարչապետ Նիկոլ Փաշինյանի գլխավորությամբ:
Արթուր Վանեցյանից հետո պաշտոնից կազատվեն նաև Տոնոյանն ու Օսիպյանը. «Ժողովուրդ»
Փաշինյանը ընդգծել էր, որ ձևավորված է Անվտանգության խորհրդի գործունեության շատ կոնկրետ օրակարգ, որով և առաջ են շարժվում։