ԵՐԵՎԱՆ, 17 սեպտեմբերի - Sputnik. ՀՀ կառավարությունը որոշել է ավելացնել 2019թ.-ի պետական բյուջեով նախատեսված գործուղումների գումարները։
Համապատասխան որոշման նախագիծը գործադիրը կընդունի առանց նիստ գումարելու` գրավոր քվեարկության կարգով։
Կառավարության կայքում հրապարակված նախագծով առաջարկվում է գործուղումների տարեկան ծախսերն ավելացնել 310.0 մլն դրամով:
Պլանը գերակատարված է. Կառավարությունը գործուղումների համար ևս 40 մլն դրամ կհատկացնի
Դրանից 60 մլն–ը նախատեսվում է արտասահմանյան պատվիրակությունների ընդունելությունների համար, իսկ 250 մլն–ը` արտասահմանյան պաշտոնական գործուղումների։
«Արտասահմանյան պաշտոնական գործուղումների գծով նախատեսված գումարները բավարար չեն»,– ասված է որոշման հիմնավորման մեջ։
Ի դեպ, նշենք, որ 2019 թվականի պետական բյուջեով արտասահմանյան պաշտոնական գործուղումների համար նախատեսված տարեկան գումարը 350 մլն դրամ էր, որն արդեն տարվա ընթացքում տարբեր որոշումներով հասցվել էր 550 մլն դրամի։