ԵՐԵՎԱՆ, 17 սեպտեմբերի — Sputnik. Իտալական «Ռոմա» ֆուտբոլային ակումբը Facebook սոցիալական ցանցի իր էջում հրապարակել է Հենրիխ Մխիթարյանի գոլի համակարգչային գրաֆիկան։
Մասնագետները, որոնք պատրաստել են գրաֆիկան և հրապարակել այն համացանցում, հոլովակը վերնագրել են «Պատկերազարդ գոլ` Հենրիխ Մխիթարյանը գրավում է Սասոլոյի դարպասը», իսկ մեկնաբանություններում գրել են` «Ահա այսպես է Մխիթարյանը սկսել «Ռոմայում»»։
Մխիթարյանը «Ռոմայում»՝ ինչպես ձուկը ջրում. առաջին խաղում նա արդեն գոլ խփեց
Ընդ որում, հոլովակում թողել են մարզական մեկնաբանի ձայնը խաղի ուղիղ հեռարձակումից։
Հոլովակը կարճ է, ինչպես` Մխիթարյանի սրընթաց գոլը։ Այն տևում է 12 վայրկյան, բայց արդեն հազարավոր մարդիկ են դիտել։