ԵՐԵՎԱՆ, 17 սեպտեմբերի — Sputnik. Արցախում այսօր` սեպտեմբերի 17-ին իրականացվել են զինվորական մարզումներ, որոնց մասնակցել է պաշտպանության բանակի, միավորումների և զորամասերի հրամկազմը։
Ինչպես հայտնում են ԱՀ ՊԲ–ից, մարզումների ընթացքում խաղարկվել են հակառակորդի հավանական գործողությունների բնույթից բխող դրվագներ, ստուգվել են զորքերի մարտական պատրաստականության բարձր աստիճանների բերման պլանների իրատեսությունը, իրավիճակի գնահատման, որոշումների ընդունման, ղեկավար կազմի պարտականություններից ու լիազորություններից բխող այլ համալիր գործողություններ:
ԱՀ ՊՆ, ՊԲ հրամանատար, գեներալ-մայոր Կարեն Աբրահամյանը, հետևելով իրականացվող մարզումների ընթացքին, զորքերի ղեկավարման և առկա միջոցներն ու հնարավորություններն առավել արդյունավետորեն օգտագործելու նպատակով, հրամկազմին տվել է համապատասխան ցուցումներ ու հանձնարարականներ:
ՀՀ ԶՈՒ պատվիրակությունը մասնակցել է ՌԴ-ում կազմակերպված հատուկ զորավարժությանը
Մարզումների ողջ ընթացքում հրամանատարական կազմի կողմից իրականացված գործողություններն ու տարբեր զորատեսակների միջև փոխգործակցության բարձր մակարդակը հերթական անգամ ցույց են տվել, որ պաշտպանության բանակը ունակ է կատարել առաջադրված խնդիրը և իրական մարտական գործողությունների վերսկսման դեպքում ապահովել երկրի անվտանգությունը: