«Կատերինան հրաշքների աշխարհում». Գորդոնն այցելել է Հայաստան և սեր խոստովանել

ԵՐԵՎԱՆ, 17 սեպտեմբերի — Sputnik. Հայտնի ռուսաստանցի հեռուստահաղորդավար և լրագրող Կատյա Գորդոնը Instagram–ի իր էջում հայաստանյան իր ճանապարհորդության մի շարք լուսանկարներ է հրապարակել։

«Մարիա ջան, հրաշք եք, մնացեք Հայաստանում». Զախարովան նոր լուսանկարներ է հրապարակել

Հայտնի ռուս ռադիոհեռուստահաղորդավար, կինոդերասան, կինոռեժիսոր Ալեքսանդր Գորդոնի նախկին կինը Հայաստան էր ժամանել` մասնակցելու ընկերների հարսանյաց արարողությանն ու հաճելիորեն տպավորվել էր։ Վառ լուսանկարները նա հրապարակել էր հիացական մեկնաբանությունների ուղեկցությամբ։

«Բարեկամս, երջանիկ եղիր ամբողջ կյանքում։ Շնորհակալ եմ հյուրընկալության համար։ Հայաստան, սիրում եմ քեզ», – գրել է Գորդոնը։

Լուսանկարներում Կատերինան պատկերված է Արագածոտնի մարզում` կիրճի ֆոնին, Սաղմոսավանքի մոտ, ինչպես նաև երևանյան հյուրանոցում։

«Կատերինան հրաշքների աշխարհում», – լուսանկարին կից գրել է հեռուստահաղորդավարուհին։

Գորդոնի լուսանկարները շուրջ 3 հազար «լայք» են հավաքել։

Քաթինային փոխարինող հայ բժիշկն արդեն Սուդանում է. նա անցել է իր պարտականությունների կատարմանը

Օգտատերերը նաև գրում են, որ Եկատերինան հրաշալի տեսք ունի, բացի այդ Հայաստանն էլ ամենահաճելի և հյուրընկալ երկիրն է։