ԵՐԵՎԱՆ, 14 սեպտեմբերի – Sputnik. Ղազախստանի մայրաքաղաք Նուր-Սուլթանում մեկնարկած ըմբշամարտի աշխարհի առաջնության կիսաեզրափակիչում հունահռոմեական ոճի ըմբիշ, մինչև 63 կգ քաշային կարգում հանդես եկող Սլավիկ Գալստյանը 3։2 հաշվով պարտվեց Ռուսաստանի ներկայացուցիչ, աշխարհի գործող չեմպիոն Ստեփան Մարյանյանին։
Գալստյանը վաղը կպայքարի բրոնզի համար:
Հիշեցնենք, որ Գալստյանն ավելի վաղ հաղթել էր Ադրբեջանը ներկայացնող Էլման Մուխտարովին։
Ղազախստանում Հայաստանը ներկայացնում են Նորայր Հախոյանը (55 կգ), Գևորգ Ղարիբյանը (60 կգ), Սլավիկ Գալստյանը (63 կգ), Կարեն Ասլանյանը (67 կգ), Մալխաս Ամոյանը (72 կգ), Կարապետ Չալյանը (77 կգ), Մաքսիմ Մանուկյանը (82 կգ), Արթուր Շահինյանը (87 կգ) և Արթուր Ալեքսանյանը (97 կգ)։