ԵՐԵՎԱՆ, 14 սեպտեմբերի — Sputnik. Ջերմուկի բնակիչները ավտոերթով գալիս են միանալու Երևանում այսօր նախատեսվող քայլերթին` ի պաշտպանության Ամուլսարի։
«Ջերմուկցիները կշարունակեն հսկեл Ամուլսար տանող ճանապարհը, սակայն մի մասն էլ կգա Երևան` երեկոյան կայանալիք քայլերթին մասնակցելու։ Կարևորն այն է, որ մարդիկ սկսել են հասկանալ, որ Ամուլսարը միայն ջերմուկցիներինը չէ ու այն պահպանել է պետք»,– ասաց Ջերմուկի բնակիչ Շիրակ Բունիաթյանը։
Նա կոչ արեց բոլորին միանալ այդ խաղաղ ակցիային, որն ուղղված է լինելու ոչ թե ընդդեմ ՀՀ–ի, այլ հանուն ինքնիշխան և մաքուր հայրենիքի։
Ծառուկյանը հստակեցրեց` Ամուլսարի հարցում երբ կկանգնի ժողովրդին կողքին
Նշենք, որ այսօր երեկոյան 18:30-ին Երևանում «Ամուլսարն առանց հանքի» նախաձեռնությունը քայլերթ կիրականացնի: Երթուղիները կլինեն երեք ուղղությամբ. մեկը կսկսվի Զորավար Անդրանիկի արձանի մոտից, մյուս երկուսը` մետրոյի «Մարշալ Բաղրամյան» կայարանի և Երևանի քաղաքապետարանի հարակից տարածներից։ Երթը կեզրափակվի Ազատության հրապարակում ժամը 20:00-ին:
Ամուլսարի գործը պետք է դիտարկել միայն իրավական տեսանկյունից. Փաշինյան