ԵՐԵՎԱՆ, 13 սեպտեմբերի - Sputnik. Հեռուստահաղորդավարուհի Քսենյա Սոբչակն ու ռեժիսոր Կոնստանտին Բոգոմոլովն ամուսնացել են, բայց արել են դա անսովոր գոթական ոճով. թեև հարսի զգեստից դա չի երևում։
Հարսանիք ուրբաթ 13–ին. Քսենյա Սոբչակը հղի է ամուսնանո՞ւմ
ՌԵՆ ՏՎ–ի կադրերից երևում է, որ զույգը սև դիակառքով է Գրիբոեդովսկի ՔԿԱԳ (զագս) գնացել: Դիակառքը զարդարված է եղել կարմիր ծաղիկներով։
Մեքենայի վրա գրված է եղել՝ «Մինչև մահը չբաժանի մեզ»։
Սոբչակն ու Բոգոմոլովը դանդաղ դուրս են եկել մեքենայից ու առանց շտապելու գնացել պսակադրության արարողությանը։
Ռուսական լրատվամիջոցների տվյալներով` արարողությունը անց է կացվելու «Պետրովսկի պասաժ» առևտրի համալիրում։ Արարողությունը գոթական ոճով է լինելու. սև սպասք, կարմիր սփռոցներ և այլ տարրեր։ Ընդհանուր առմամբ, ԶԼՄ–ների տվյալներով, արարողությունը 16 միլիոն ռուբլի է արժեցել։
Սկանդալային Սոբչակը մտել է սառցապատ ջուրը. լուսանկարներ
Ի դեպ, Սոբչակն արդեն հասցրել է ցույց տալ հարսանեկան զգեստն Instagram–ի իր էջում։ Նա հետևից լուսանկար է հրապարակել ու մեկնաբանել. «Կարծում եմ՝ պատրաստ եմ կյանքիս կարևորագույն օրվան»։
Բոգոմոլովն էլ կնոջից հետ չի մնացել ու դիակառքից է լուսանկարներ հրապարակել։