ԵՐԵՎԱՆ, 13 սեպտեմբերի — Sputnik. Արարատի մարզի Սիս գյուղի ճանապարհի շինարարությունը մտել է ավարտական փուլ։ Այս մասին Facebook սոցիալական ցանցի իր էջում գրել է ՀՀ վարչապետ Նիկոլ Փաշինյանը։
Նա նաև տեսանյութ է հրապարակել, որտեղ երևում են ճանապարհաշինական աշխատանքները։
Սկսվում է զարգացման պիլոտային ծրագիրը. հայտնի են գյուղերի անունները
«Ժողովուրդ ջան, սա էլ Սիս գյուղի ճանապարհն է, որի երեխաները մտածում էին, թե մոռացել եմ իրենց տված խոստումը: Ճանապարհի շինարարությունը մտել է ավարտական, այսինքն՝ հարդարման փուլ: Սիս գյուղի երեխաներ ջան, համբուրում եմ բոլորիդ: Շատ ապրեք»,–գրել է նա։
Հիշեցնենք, որ դեռ մայիս ամսին կառավարության հերթական նիստի ժամանակ Փաշինյանն ասել էր, որ պետք է զբաղվել Սիս գյուղի ճանապրհների հարցով։ «Սիս գյուղի երեխաները հարցազրույց են տալիս, ասում են՝ Նիկոլն եկավ, խոստացավ, «գլխառադ» արեց… էդ ճանապարհն ինչ եղավ, խի՞ չենք սարքում, երեխեքը բողոքում են, սենց չեղավ»,–ասել էր նա։
Չկա ասֆալտ, չկա ներդրում. Չկալովկա գյուղի ապագան ՀՀ կառավարության ձեռքում է
ՀՀ տարածքային կառավարման և զարգացման նախարար Սուրեն Պապիկյանն էլ հայտնել էր, թե հաշվի առնելով երեխաների բարձրացրած հարցը ՝ իրենք կանեն ասֆալտը։