ԵՐԵՎԱՆ, 12 սեպտեմբերի — Sputnik.Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանը Instagram-ի իր էջում նոր լուսանկար է հրապարակել իտալական «Ռոմա» ակումբում անցկացվող մարզումներից:
Լուսանկարում Մխիթարյանն իր նոր ակումբի մարզաշապիկով է և լայն ժպտում է:
«Փոխանցի՛ր, եղբայր», «դու գեղեցիկ ես», «հաջողություն քեզ քո նոր ակումբում», «մեր հպարտությունը», «բոլորին ցույց տուր, թե դու ինչի ես ընդունակ»,«դու փայլում ես երջանկությունից»,-գրել են երկրպագուները:
Հիշեցնենք` սեպտեմբերի 2–ին հայտնի դարձավ, որ անգլիական «Արսենալի» կիսապաշտպան և Հայաստանի ազգային հավաքականի ավագ Հենրիխ Մխիթարյանը վարձակալության իրավունքով իտալական «Ռոմայի» խաղացող է դարձել։ Հայ ֆուտբոլիստի հետ վարձակալության պայմանագիրը կնքել են մինչև այս մրցաշրջանի ավարտը։ Կիսապաշտպանի համար իտալական ակումբը 3 միլիոն դոլար է վճարել։
Մխիթարյան. «Այն ժամանակ չկային այս գործակալները, չկային ներկայիս պայմանները»
Ակնկալվում է, որ խաղացողին գնելու համար 15 միլիոն դոլար կպահանջվի։ «Գայլերի երկրում» Մխիթարյանը խաղալու է 77 համարի մարզաշապիկով։
Նշենք, որ Հենրիխ Մխիթարյանը 2018 թվականի սկզբից է հանդես գալիս «Արսենալում»։
30-ամյա հայ ֆուտբոլիստը նախկինում հանդես է եկել «Մանչեսթեր Յունայթեդի», Դորտմունդի «Բորուսիայի», Դոնեցկի «Շախտյորի», «Մետալուրգի», ինչպես նաև Երևանի «Փյունիկի» կազմերում։
Ուզում եմ ստանալ խաղաժամանակ, որն «Արսենալում» ինձ չէին տալիս. Մխիթարյանը` տեղափոխության մասին
Մխիթարյանի պայմանագիրն «Արսենալի» հետ ուժի մեջ էր մինչև 2021 թվականի հունիսի 30-ը։