ԵՐԵՎԱՆ, 10 սեպտեմբերի – Sputnik. Հայաստանի ֆուտբոլի ազգային հավաքականի ավագ Հենրիխ Մխիթարյանը Զվարթնոց օդանավակայանում լուսանկարվել է հավաքականի կիսասպաշտպան Ռումյան Հովսեփյանի որդու հետ: Լուսանկարը հրապարակվել է Marzik.am-ի facebook-յան էջում:
Հետևորդներին շատ է դուր եկել այն: Նրանք ֆուտբոլիստին մաղթել են, որ նա շուտափույթ հայրիկ դառնա:
Հիշեցնենք` սեպտեմբերի 2–ին հայտնի դարձավ, որ անգլիական «Արսենալի» և Հայաստանի հավաքականի կիսապաշտպան Հենրիխ Մխիթարյանը վարձակալության իրավունքով իտալական «Ռոմայի» խաղացող է դարձել։ Հայ ֆուտբոլիստի հետ վարձակալության պայմանագիրը կնքել են մինչև այս մրցաշրջանի ավարտ։ Կիսապաշտպանի համար իտալական ակումբը 3 միլիոն դոլար է վճարել։
Հենրիխ Մխիթարյան. «Փորձում եմ միշտ բարձր պահել Հայաստանի անունը»
Ակնկալվում է, որ խաղացողին գնելու համար 15 միլիոն դոլար կպահանջվի։ «Գայլերի երկրում» Մխիթարյանը խաղալու է 77 համարի մարզաշապիկով։
Նշենք, որ Հայաստանի ֆուտբոլի հավաքականի ավագ Հենրիխ Մխիթարյանը 2018 թվականի սկզբից է հանդես գալիս «Արսենալում»։
30-ամյա հայ ֆուտբոլիստը նախկինում հանդես է եկել «Մանչեսթեր Յունայթեդի», Դորտմունդի «Բորուսիայի», Դոնեցկի «Շախտյորի», «Մետալուրգի», ինչպես նաև Երևանի «Փյունիկի» կազմերում։
Մխիթարյան․ «Չեմ ուզում որևէ մեկին մեղադրել, իմ կյանքում նոր գլուխ եմ սկսում»
Մխիթարյանի պայմանագիրն «Արսենալի» հետ ուժի մեջ էր մինչև 2021 թվականի հունիսի 30-ը։