ԵՐԵՎԱՆ, 10 սեպտեմբերի — Sputnik. ՀՀ բանակի գեներալ-մայոր, արցախյան ազատամարտի հերոս Արկադի Հովհաննեսի Տեր-Թադևոսյանին (Կոմանդոս) «Գյումրու պատվավոր քաղաքացու» կոչում կշնորհվի: Որոշումը Գյումրու ավագանին հաստատեց այսօրվա նիստում։
Արկադի Տեր-Թադևոսյանի թեկնածությունն առաջադրեց Գյումրու քաղաքապետ Սամվել Բալասանյանը։ Նա նշեց, որ Կոմանդոսին ներկայացնելու կարիք չկա. ժողովուրդը լավ գիտի իր հերոսին:
Մեկ այլ որոշմամբ` ավագանին հաստատեց Գյումրու պետական սիմֆոնիկ նվագախմբի հիմնադիր, գեղարվեստական ղեկավար ու գլխավոր դիրիժորը, ինչպես նաև Գյումրու կամերային երգչախմբի գեղարվեստական ղեկավար և գլխավոր դիրիժոր Ռոբերտ Մլքեյանին ևս «Գյումրու պատվավոր քաղաքացու» կոչում շնորհել։
Հազարավոր գործազուրկներ ու 380 թափուր աշխատատեղ. ինչ մասնագետների պահանջարկ ունի Գյումրին
Ռոբերտ Մլքեյանի թեկնածությունը ներկայացրեց Գյումրու քաղաքապետի խորհրդական Հասմիկ Կիրակոսյանը:
Որոշումներն ընդունվել են միաձայն։
«Տընգլ-մընգլ», «Բոբիկ ջուր մի էրա». գյումրեցի ուսուցիչները երգչախումբ են հիմնել. տեսանյութ
Կոչումները կշնորհվեն սեպտեմբերի 13-ին՝ Տիգրան Մանսուրյանի համերգից առաջ՝ Գյումրու «Սև Բերդ» ամրոցում։